ခေါင်းဆောင်မှုမကောင်းရင် ဘာဖြစ်သွားမလဲ?

ကမ္ဘာပေါ်မှာ ကိုဗစ်မဖြစ်ခင် G 7 လို့ခေါ်တဲ့ စက်မှုဖွံ့ဖြိုးထိပ်ဆုံးနိုင်ငံတွေဟာ ဆရာကြီးတွေပါ။ ကနေဒါ၊ ယူကေ၊ ပြင်သစ်၊ အီတလီ၊ အမေရိကန်၊ ဂျာမနီနဲ့ ဂျပန်တို့ပါ။ ယခင်က ရုရှားပါခဲ့ပါတယ်။ G8 ပေါ့။G20 မှာတော့ ဘရာဇီး၊ တရုတ်၊ မက္ကစီကို၊ အိန္ဒိယ၊ တောင်ကိုရီးယားနဲ့ အင်ဒိုနီးရှားတို့ပါပါတယ်။အများစုသော နိုင်ငံတွေက ဒီမိုကရေစီဖြစ်ပြီး စီးပွါးရေးလဲ မြန်မာပြည်ထက်ကောင်းပါတယ်။ တပ်ကနိုင်ငံရေးမှာ မပါပါ။

ဒါပေမယ့် အမေရိကန်ကိုကြည့်ပါ။ ထရမ့်နဲ့ ပြည်နယ်တွေက လူသားရင်းမြစ်နဲ့ ငွေကြေးပြည့်စုံပေမယ့်ခေါင်းဆောင်မှု စီမံခန့်ခွဲမှု လိုအပ်သွားတာကြောင့် အသေအပျာက် များခဲ့ပါတယ်။ များနေဆဲပါ။

ဘရာဇီးခေါင်းဆောင်ဟာလဲ ကိုဗစ်ကို လှောင်ပြောင်ပြီး ကြိုတင်ကာကွယ်မှုမလုပ်သလို သူ့ကျန်းမာရေးဝန်ကြီးက ခပ်ခွါခွါနေဆိုပြီးပြောလို့ ထုတ်ခဲ့ပါတယ်။ ဒုတိယခန့်တဲ့ ကျန်းမာရေးဝန်ကြီးကလဲ ထွက်စာတင်ပြီး ထွက်သွားခဲ့ပါတယ်။ ယခုဘရာဇီးရဲ့သေနှုန်းက ကမ္ဘာပေါ်မှာ ထိပ်ပိုင်းရောက်လာခဲ့ပါပြီ။

မက္ကစီကိုမှာလဲ ကျူးဘားဆရာဝန်တွေကို အမေရိကန်ပြောလို့ ပြန်လွှတ်လိုက်ပြီး အမေရိကန်ကလဲ လာမကယ်နိုင်လို့ အလောင်းပုံနေခဲ့ပါတယ်။

ယူကေမှာလဲ ဂျွန်ဆင်က lockdown ကို စောစောမလုပ်လို့ လူသိန်းချီသေခဲ့ပါတယ်။ သူ့ကျန်းမာရေးစနစ်ကလဲ အလွန်ကောင်းသလို စီးပွါးရေးကလဲ ကောင်းတဲ့တိုင်းပြည်ပါ။

ထို့အတူ အီတလီဟာလဲ ဥရောပမှာ အသေအပျောက်များတဲ့တိုင်းပြည်ပါ။ အလောင်းတောင် တပ်ကိုခေါ်ပြီး သယ်ခိုင်းခဲ့ရပါတယ်။ ပြင်သစ်မှာလဲ တိုင်ပတ်နေပါတယ်။

အင်ဒိုနီးရှားက အရှေ့တောင်အာရှမှာ ဖြစ်နှုန်းများနေပါတယ်။ အိန္ဒိယမှာလဲ ပိုးကူးနှုန်းက မြင့်နေသလို lockdown လုပ်တာ အချိုးမကျလို့ သေသူတွေများနေပါတယ်။

မြန်မာပြည်မှာ ဒေါ်အောင်ဆန်းစုကြည်ရဲ့ ခေါင်းဆောင်မှုကြောင့် ကိုဗစ်ရောဂါကို ရှိတဲ့ ငွေကြေးအရင်းအမြစ် လူသားအရင်းအမြစ်နဲ့ ထိန်းထားနိုင်ခဲ့ပါတယ်။

ဒါကဘာကိုပြသလဲဆိုတော့ ခေါင်းဆောင်မှုဟာ ဘယ်လောက်အရေးကြီးလဲဆိုတာပါ။

စာရေးသူတို့ သူမလိုခေါင်းဆောင်ကိုရထားတာ အင်မတန်မှ ကံကောင်းပါတယ်။

ကံဆိုတာ အလုပ်ဖြစ်ပြီး ဒါဟာစာရေးသူတို့ ၂၀၁၅ မှာ NLD ကို မဲပေးခဲ့လို့ပါ။

ဆက်ပြီးကံကောင်းအောင် ၂၀၂၀ မှာလဲ NLD ကိုမဲပေးပြီး အဓမ္မဝါဒီတွေကို တိုက်ထုတ်ကြပါ။

News Credit: worldometer, BBC, Guardian, sky, CNN, politico