တပ်ကြိုတင်မဲနှင့် အနာဂတ်

လူတိုင်းအဝေးရောက်နေရင် ဒါမှမဟုတ် ရွေးကောက်ပွဲနေ့မှာ မိမိအိမ်မှာမရှိရင် ကြိုတင်မဲပေးကြရပါတယ်။ ဒါကသဘာဝပါ။ လူတစ်ယောက်ချင်းစီ ကြိုတင်မဲပေးရတာက အများစုပါ။ အစုအဖွဲ့လိုက်ကြိုတင်မဲကတော့ ပြဿနာရှိပါတယ်။ အထူးသဖြင့် နယ်တွေမှာပါ။ ရွေးကော်က ရက် ၉၀ ရွှေ့လို့ တပ်တွေကိုရွှေ့ပြီး ပြင်ထားပါတယ်။ ပုံမှန်ဆိုရင် မဲပေးတဲ့နေ့မှာ လက်ရှိဥပဒေအရ တပ်ပြင်ထွက်ပေးရမှာပါ။ ဒါပေမယ့် ပြောင်းတဲ့တပ်က ကြိုတင်မဲပေးရင် ပြဿနာက ပိုရှုတ်သွားပါတယ်။

တပ်ကြိုတင်မဲတွေကို လူ ၁၀၀ အထက်ပေးရင် လွှတ်တော်ကိုယ်စားလှယ်လောင်းက သွားကြည့်သင့်ပါတယ်။

ပထမကြည့်ရမှာက ဆန္ဒမဲပြားမှာ ဘာမှကြိုမခြစ်ထားအောင်ပါ။ ဘာလို့လဲဆိုတော့ ကြိုခြစ်ထားတာကို ပေးလိုက်ပြီး စာအိတ်ထဲထည့်ရင် ဘယ်လိုလုပ်မလဲ?

နောက်သူတို့မဲပေး။ ပြီးရင် မဲပုံးကို ဗဟိုကို ပြန်ယူတဲ့အထိ ပါတီကိုယ်စားပြု အဖွဲ့တွေက စောင့်သင့်ပါတယ်။ ဒါမှ လွတ်လပ်စွာ ကြိုတင်မဲ ပေးနိုင်မှာပါ။

နောက် NLD က လူအုပ်နဲ့ မဲဆွယ်တာကို ကိုဗစ်ဖြစ်နေချိန်မိုလို့ မကြိုက်သူများလဲ ရှိပါတယ်။ ပြဿနာက ကိုဗစ်ဖြစ်ချိန်မှာ တပ်က ငြိမ်နေတာမဟုတ်ပါ။ ဘပုက ရှမ်းပြည်ဘက်သွားပြီး မဲဆွယ်ပြီးပါပြီ။ယခုလဲ ဒုတပ်ချုပ်ကို သူပြောလိုတဲ့ ဘယ်လိုလူမျိုးကို ရွေးရမလဲဆိုတာကို မိတ္ထီလာတို့ ပြင်ဦးလွင်တို့က တပ်စခန်းတွေမှာ သူ့ကိုယ်စား ပြောခိုင်းနေပါတယ်။ တပ်ထဲမှာက နှုတ်မိန့်နဲ့ သွားနေတာပါ။ ဘယ်ဟာကိုမှ စာနဲ့ မညွှန်ကြားပါ။ ညွှန်ကြားလို့ ပေါက်သွားရင် သူခံရမှာ သူသိပါတယ်။ ယခုလို ဘပုက သူ့ရဲ့ မူဝါဒကို မြဝတီမှာ မထည့်ရပေမယ့်လဲ တပ်ထဲက အစည်းအဝေးတွေမှာ ဖတ်ပြနေတာပါ။ သူလဲစည်းရုံးနေတာပါ။

တစ်ခုရှိတာက တပ်ထဲမှာလဲ ဖတ်ပြသူက အောက်ခြေကလူတွေ ဘယ်သူ့ပေးမလဲ မသေချာတော့ပါ။ဖတ်ပြသူကိုယ်တိုင်ကလဲ NLD ပေးနိုင်ပါတယ်။ NLD က အစိုးရဖြစ်နေလို့ ရဲဘော်တွေက အထက်ကပြောစကား နားမထောင်ဘဲ NLD ပေးလဲ ဘာမှလုပ်မရပါ။ ယခုတပ်ထဲမှာက အောက်ခြေရဲဘော်အများစုနဲ့ ပိတ်မိနေတဲ့ စစ်အင်ဂျင်နီယာတွေ၊ ဆရာဝန်တွေက NLD ကို မဲပေးပြီး ပုန်ကန်မလားဆိုတာကတော့ စောင့်ကြည့်ရမှာပါ။

အကယ်၍ ဘောလခဲလို တပ်နေရာက အထက်အမိန့်ကို မလိုက်နာဘဲ NLD ကို မဲပေးခဲ့ရင် အဆိုပါမဲဟာ တပ်ချုပ်ကို အောက်ခြေက အနုနည်းနဲ့ သတိပေးလိုက်သလို ဖြစ်သွားမှာပါ။ ဒါဟာ အနာဂတ်ကိုအနုနည်းနဲ့ ပြောင်းလဲသွားစေနိုင်ပါတယ်။

ရဲဘော်တို့လဲ မိမိလစာအဖြတ်ခံရရင်၊ အနိုင်ကျင့်ခံရရင်၊ သက်တမ်းပြည့်လို့ မထွက်ရရင်၊ သူ့ကျွန်ဘဝက လွတ်မြောက်ချင်ရင် ဓမ္မပါတီကိုသာ မဲပေးလိုက်ပါလို့ ပြောပါရစေ။