ဓားစားခံချင်းလဲမလား?
ဓာတ်ခဲကဖမ်းသွားသူတွေကို တပ်ကလိုက်ကယ်ချိန်မှာ ဓာတ်ခဲက သူ့လှေကိုပစ်လို့ အားလုံးသေသွားပြီလို့ ထကြေညာပါတယ်။ နာရီပိုင်းအတွင်းမှာပါ။ ရဟတ်ယဉ်တောင်စခန်းပြန်မရောက်သေးပါ။ တင်သူကတင်သလို တပ်ကိုဆဲလိုသူကလဲ ဆဲပြီးသွားပါပြီ။ စာရေးသူက နောက်နေ့မှာ သိသလောက်ရေးတင်ခဲ့ပါတယ်။ အဓိကက ရဟတ်ယဉ်က ဓာတ်ခဲပြောသလို အကုန် indiscriminate မပစ်တဲ့အကြောင်းပါ။နောက်ပိုင်းလွတ်လာသူတွေရှိလို့ ဓာတ်ခဲပြောသလို အကုန်ပစ်ရင် ဒီလူတွေလွတ်စရာအကြောင်းမရှိဘူးဆိုတာ စာဖတ်သူတွေ နားလည်နိုင်မယ်ထင်ပါတယ်။
ဒီနေ့မှာတော့ ဓာတ်ခဲက သူဖမ်းထားတဲ့လူစားရင်းကိုထုတ်ပြီး သူ့ခေါင်းဆောင်ရဲ့ ညီ၊ ညီမ၊ ယောက်ဖတို့နဲ့ လဲလိုကြောင်း ပြောလာပါတယ်။ ဒီသတင်းကနေသုံးသပ်လို့ရတာက ဓားစားခံ ၁၇ ဦး ဓာတ်ခဲလက်ထဲမှာရှိနေတယ်ဆိုတာ သေချာသွားပါတယ်။ ဒါကြောင့် ၁၅+၁၇ စုစုပေါင်း ၃၂ ယောက် အသက်ရှင်ခဲ့ပါတယ်။ ဒါကအနည်းဆုံးပါ။
ယခင်ငြိမ်းချမ်းရေးဆွေးနွေးပွဲတွေကထဲက ဓာတ်ခဲက သူ့ညီ ညီမတွေကို လွှတ်စေချင်နေတာပါ။ ဒီနေရာမှာ ဓာတ်ခဲရဲ့ညီနဲ့ ညီမတွေအဖမ်းခံရပုံကိုလေ့လာရအောင်။ ပထမဆုံးသူ့ညီက အစိုးရက ဖမ်းခိုင်းတာမဟုတ်ပါ။ ထောက်လှမ်းရေးကလဲ ဘာမှအကြီးအကျယ်မသိပါ။ ထောက်လှမ်းရေးက ထိုင်းမှာအားကောင်းပေမယ့် အခြားနိုင်ငံတွေမှာ ဒီလောက်မဟုတ်ပါ။ စတာက မြန်မာပြည်မှာ ဒီမိုအစိုးရကတက်လာလို့ ယခင်ကလို အစိုးရဆန့်ကျင်တိုင်း အိမ်နီးချင်းနိုင်ငံတွေက လွှတ်မထားတာက စပါတယ်။စင်ကာပူမှာ ဓာတ်ခဲနေ့ကျင်းပရာက စင်ကာပူထောက်လှမ်းရေးက စထောက်လှမ်းပြီး ငွေကြေးစုဆောင်းတာ၊ လူမျိုးရေးပြောဆိုတာတွေ့ချိန်မှာ မြန်မာပြည်ကိုပြန်ပို့လိုက်တာပါ။ စင်ကာပူက လူမျိုးပေါင်းစုံနေလို့ လူမျိုးရေးအဖြစ်မခံပါ။ သူကပြန်ပို့လို့ အချိန်မှီလိုက်ဖမ်းရတဲ့အဖြစ်ပါ။ ကံကောင်းသွားတာပေါ့။
ဓာတ်ခဲညီမနဲ့ ယောက်ဖကတော့ မန္တလေးလက်နက်နဲ့ ငွေလွှဲတဲ့နောက်လိုက်ရင်းနဲ့ ရလာတဲ့သတင်းတွေပါ။ သူ့ယောက်ဖက ထိုင်းမှာဆေးကုနေတယ်လို့ပြောပါတယ်။ ဆေးကုရင်ဘယ်လောက်ကုန်တယ်ဆိုတာ လူတိုင်းသိပါတယ်။ သူ့ယောက်ဖဘာဝင်ငွေရှိလဲဆိုတာလဲ သိမှာပါ။ ဒီနေရာမှာ အစိုးရက သူ့အမျိုးတိုင်းကို လိုက်ဖမ်းနေတာမဟုတ်ပါ။ ဥပဒေအတိုင်းလုပ်နေတာပါ။ သူ့ရဲ့ညီမက တပ်ကစစ်ဗိုလ်နဲ့လိုက်ပြေးထားတာပါ။ အဲ့ဒီတစ်ယောက်ကို မဖမ်းပါ။
အားလုံးမှတ်မိမှာပါ။ သူ့ညီမနဲ့ ယောက်ဖကိုဖမ်းချိန်က အားလုံးထအော်ကြပါတယ်။ လူ့အခွင့်အရေးသမားတွေတောင်ပါပါတယ်။ သူတို့ဟာ တရားရုံးမှာမိုလို့ အထောက်အထား မခိုင်လုံရင် လွတ်လာမှာပါ။ သူတို့နဲ့ ဓာတ်ခဲဓားစားခံက အဖမ်းခံရတာချင်းမတူပါ။ သူတို့က အခြားအမှုကိစ္စလိုက်ရင်းနဲ့ မိသွားတာပါ။ ထောက်လှမ်းရေးညံ့ခဲ့ပေမယ့် လက်ရှိအစိုးရ ကြံဖန်ကံကောင်းသွားတာပါ။ ထွန်းမြတ်နိုင်အနေနဲ့လဲ မိမိအမျိုးတွေ ဘာမှမဟုတ်တာမလုပ်ထားရင် ကြောက်စရာမလိုပါ။ သူ့အလိုလို ပြန်လွတ်လာမှာပါ။
ဓားစားခံတွေကို လဲ မလဲက အစိုးရက ဆုံးဖြတ်ရမှာပါ။ အမေရိကန်၊ အင်္ဂလိပ်နဲ့ ရုရှားကတော့ ပြန်ပေးသမားတွေနဲ့ အပေးအယူလုပ်လေ့မရှိပါ။ သေချာတာကတော့ သတင်းစစ်ပွဲမှာ ဓာတ်ခဲကိုတောင်ဗိုလ်ချုပ်ထွန်းထွန်းညီတို့ မနိုင်သေးဘူးဆိုတာပါ။
News source: Irrawaddy
ရှယ်ပြီး နော်ဆရာမြတ်