ဘောလုံးပွဲကပြောသော တရားမျှတမှု

စာရေးသူတို့တိုင်းပြည်က အင်္ဂလန်က ပရီးမီးယားလိခ် Premier League ဘောလုံးပွဲတွေကို ကြိုက်ကြပါတယ်။ အများစုက မန်ယူဖန်ပေါ့။ အချို့က ချာလ်ဆီး Chelsea၊ အချို့က လီဗာပူးဖန်၊ အချို့က မန်စီတီးဖန်တွေပါ။ အာဆင်နယ်ဖန်များလဲရှိပါတယ်။

မနေ့ညသန်းခေါင်ကျော်ပွဲကတော့ ဘောလုံးဝါသနာရှင်များကို အိပ်မရစေတဲ့ပွဲပါ။ ဘာလို့လဲဆိုတော့အဆိုပါပွဲကနေ ဘယ်သူချန်ပီယံလဲ ဆုံးဖြတ်နိုင်လို့ပါ။ ပွဲက ချာလ်ဆီးနဲ့ မန်စီတီးပွဲပါ။ ပွဲမှာ ချာလ်ဆီးကသွင်းတာကို မန်စီတီးက လက်နဲ့ပုတ်ထုတ်တာဟာ အစပိုင်းမှာ ဒိုင်ကသေချာမသိလိုက်ပေမယ့်ကင်မရာကနေ ပြန်ကြည့်ရာမှာ လက်နဲ့ထိတာတွေ့လို့ Fernandinho ကို အနီကတ်ပြ ထုတ်ခဲ့ပါတယ်။

အဲ့ဒီကနေ ဘာကိုစဉ်းစားမိလဲဆိုတော့ သူတို့တိုင်းပြည်တွေမှာ ယခုလိုဘောလုံးပွဲတွေမှာတောင်ကင်မရာအကူအညီနဲ့ တရားမျှတမှုရအောင် လုပ်နေပါလား ဆိုတာပါ။ စာရေးသူတို့ ဆီးဂိမ်းမှာ ဒိုင်အမှားကြောင့် ငယ်စဉ်က မြန်မာဘောလုံးအသင်း ရှုံးခဲ့တာကို အမှတ်ရစေခဲ့ပါတယ်။ ဒီနေရာမှာ ဝီလီယံဟာ တစ်ကွင်းလုံးပတ်ကန်ပြီး ကစားသွားတာတွေ့ခဲ့ရပြီး Chelsea ဟာ ခံစစ်ကစားနေရာကနေတန်ပြန်တိုက်စစ်က ဂိုးသွင်းသွားခဲ့ပါတယ်။

မြန်မာပြည်ရဲ့ ခြေခံဥပဒေမှာ တန်းတူညီမျှဆိုတဲ့စကားပါပေမယ့် V ကိစ္စမပြောနဲ့ ရဲမေတွေရဲ့ဘဝတောင် မလုံခြုံတာ သွားတွေ့ရပါတယ်။ ရဲဆိုတာဟာ တရားဥပဒေစိုးမိုးရာမှာ အင်မတန်အဓိက ကျပါတယ်။ ထို့အတူပါဘဲ တပ်ကအချို့ တိုင်းရင်းသားဒေသမှာ ပြစ်မှုကျူးလွန်လို့စစ်ရင် အင်မတန်မှာညင်သာနေတာတွေ့ရပါတယ်။

မြန်မာပြည်မှာက ဘောလုံးပွဲလို ညစ်လို့မရအောင် စည်းကမ်းနဲ့ ထိန်းလို့မရတာတွေ့ရပြီး ကမ္ဘာကြီးနဲ့မြန်မာပြည်ဟာ အင်မတန်မှ အလှမ်းကွာနေတာ တွေ့ရပါတယ်။ ၂၀၀၈ ခြေဥကြောင့်ပါ။

စာရေးသူကတွေးရာမှာ လူ့အခွင့်အရေးချိုးဖောက်ရင် ဘာသာခြားကိုမိုလို့ လွှတ်ပေးထားရင် မိမိတိုင်းရင်းသားတွေကို လူ့အခွင့်အရေးချိုးဖောက်လာမှာဖြစ်ပြီး အဲ့ဒါကို ဆက်လွှတ်ပေးထားရင် ပြည်မမှာ ချိုးဖောက်လာမှာပါ။ ယခုဆိုရင် ပြည်မအပြီး ရဲတပ်ဖွဲ့ထဲမှာပါတွေ့နေရပါပြီ။ ဒါဆိုရင် တပ်ထဲမှာရော မရှိဘူးလားဆိုတော့ ကာယကံရှင်တွေ သိပါတယ်။

မြန်မာပြည်မှာ လွတ်လပ်ခြင်း၊ တရားမျှတခြင်း၊ တန်းတူညီမျှခြင်းများ ထွန်းကားနိုင်ပါစေ။ အင်္ဂလန်က ဘောလုံးပွဲလောက် တရားမျှတရင် မြန်မာပြည်ကြီး တိုးတက်ပါပြီ။

News Credit: BBC, CNN, Sky, Chelsea page