သတင်းများကပြောသော နိုင်ငံ့ဝန်ထမ်း

မနေ့က Myanmar Now က စီးပွါးကူးသန်းက ဒုညွှန်ချုပ်က ကြံ့ဖွတ်ကနေပြိုင်ဖို့တင်ထားတာကို သူကတရားဝင်အငြိမ်းစားမယူရသေးတာကို ရွေးကော်ကတွေ့လို့ သူရွေးကောက်ပွဲဝင်လို့မရဖြစ်သွားခဲ့ပါတယ်။ သူက ဒုညွှန်ချုပ်ဆိုတော့ တပ်ထဲမှာ ဒုတပ်ချုပ်နဲ့ ရာထူးအတူတူပါ။ တပ်ထဲက စိတ်ဓာတ်စစ်ဆင်ရေးညွှန်ကြားရေးမှူးဟာ ဗိုလ်ချုပ်အဆင့်ပါ။ နာဂေးတစ်ကြီးက ညွှန်မှူးဖြစ်နေပြီး ဗိုလ်ချုပ်အပွင့်ကို အစမ်းခန့်ပြီးရင် ပြောင်းတတ်မှာပါ။ မန္တလေးတိုင်းမှူးနဲ့ အတူတူပေါ့။ ဒီနေရာမှာ ပြောလိုတာကဌာနတိုင်း ကျန်းမာရေး၊ စီးပွါးကူးသန်း၊ ရဲ၊ ပြည်ထဲရေး နေရာတိုင်းမှာ ဖွတ်ဖြစ်လိုသူတွေကို ဘစိန်ကခန့်ခဲ့လို့ လက်ရှိအစိုးရရဲ့ ပြဿနာဟာ မသေးပါ။

မနေ့က အမေရိကန် တရားရုံးချုပ် တရားသူကြီးရွေးဖို့ ကြားနာပွဲကို ကြည့်လိုက်ရပါတယ်။ ထရမ့်လက်ထက်မှာ ပထမက တရားသူကြီး Brett Kavanaugh ပါ။ သူ့ရဲ့ အယူအဆတွေက ထရမ့်ပါတီနဲ့ အမြင်တူပါတယ်။ ထရမ့်လက်ထက်မှာ တရားသူကြီးနေရာ လစ်လပ်သွားလို့ ထရမ့်က အဆိုတင်ခွင့်ရခဲ့ပါတယ်။ သူ့ရဲ့နောက်ကြောင်းကိုလိုက် ဟုတ်တာရော မဟုတ်တာပါ မီဒီယာတွေကရေး အမတ်တွေက သူ့ကိုမခန့်ခင် ကြားနာပွဲမှာမေးပြီး နောက်ဆုံးမှာ ခန့်လိုက်ပါတယ်။ မြန်မာပြည်ကဥပဒေမှာက ဘယ်ညွှန်ချုပ်ခန့်ခန့်၊ ဘယ်တရားသူကြီးခန့်ခန့်မေးလို့မရအောင် ဥပဒေက လုပ်ထားပါတယ်။

ယခုထရမ့်လက်ထက်မှာ တရားရုံးချုပ်တရားသူကြီး Justice Ruth Bader Ginsburg က ကွယ်လွန်သွားခဲ့ပါတယ်။သူက ဒီမိုကရက် လက်ဝဲယိမ်းပါ။ သူသေရင် ထရမ့်က လက်ယာယိမ်းတရားသူကြီးကို ရွေးမှာစိုးလို့ သေခါနီးအထိမထွက်ခဲ့ပါ။ သေတော့လဲ သူ့ကိုဆက်ခံမယ့်သူကို နောက်တက်မယ့် သမ္မတကသာ ရွေးပါစေလို့ သေတမ်းစာမှာဖော်ပြပေမယ့် ထရမ့်နဲ့ သူ့ပါတီက ဥပဒေအတိုင်း ဆက်ရွေးခဲ့ပါတယ်။ ယခုတရားသူကြီးမ Amy Coney Barrettမှာ သားသမီးခုနှစ်ယောက်ရှိပါတယ်။ သူက ဘာသာရေးကိုင်းရှိုင်းသူဖြစ်ပြီး ဘုရားဟောအတိုင်း တားဆေးမသောက်ဘဲ ကလေးမွေးခဲ့သူပါ။ ပညာအရာမှာလဲ ဥပဒေပါမောက္ခပါ။ သူတို့တိုင်းပြည်က ဘာသာရေးယုံကြည်သူတွေက အဲ့ဒီလို ယုံကြည်ပါတယ်။ သူ့ကို ဒီမိုကရက်တွေက မကြိုက်ပေမယ့် အထက်လွှတ်တော်မှာ ရီပတ်ပလီကန်က ကြီးစိုးလို့ သူမကိုထရမ့်ခန့်တာကို အတည်ပြုခံရဖို့များပါတယ်။

ဒါက ဘာကိုပြလဲဆိုတော့ ပါတီတွေဟာ မိမိတို့နိုင်ရင် မိမိတို့ဩဇာခံ ညွှန်ချုပ်တွေ၊ တရားသူကြီးတွေကို ခန့်နိုင်မှ တိုင်းပြည်ကိုအုပ်ချုပ်ရတာ ပိုအဆင်ပြေမှာပါ။ မြန်မာပြည်မှာက တပ်မှသည် ရဲနဲ့ ဌာနတိုင်းက အများစုသော ညွှန်ချုပ်၊ ဒုညွှန်ချုပ်များဟာဖွတ်ကိုသာ သစ္စာစောင့်သိနေတာမိုလို့ တရားဥပဒေစိုးမိုးမှုမှာ ရဲတပ်ဖွဲ့တစ်ခုလုံးဟာ Myanmar Now လောက် အလုပ်မလုပ်နိုင်တာတွေ့နေရတာပါ။

ဒီရွေးကောက်ပွဲပြီးရင်တော့ သူတို့ကို NLD အနေနဲ့ ဘယ်လို အနီးကပ်ကိုင်တွယ်မလဲဆိုတာ စဉ်းစားရမယ်လို့ ထင်ပါတယ်။ အချို့သော ဝေဖန်သူတွေက NLD က ဝန်ကြီးတွေ၊ ဝန်ကြီးချုပ်တွေကိုသာ ဝေဖန်လေ့ရှိပေမယ့် စာရေးသူကတော့ အမေရိကန်၊ ယူကေ၊ပြင်သစ်နှင့် အိန္ဒိယစနစ်များကိုကြည့်ပြီး ပြဿနာက ညွှန်ချုပ်၊ ဒုညွှန်ချုပ်နဲ့ ညွှန်မှူးအဆင့်မှာပါလို့ ပြောပါရစေ။ အမေရိကန်လိုလုပ်နိုင်ရင်တော့ အများကြီး အဆင်ပြေသွားနိုင်ပါတယ်။ စာရေးသူတို့လူမျိုးက ဖြုတ်ပြရင် မီးသေပါတယ်။ မေတ္တာနဲ့ နားလည်အောင်လုပ်ရင်တော့ ကြာပါမယ်။ ဘာကြောင့်လဲဆိုတော့ အချို့တိရိစ္ဆာန်တွေက မေတ္တာကို နားမလည်တတ်ကြလို့ပါ။

News Credit: Myanmar Now, CNN, BBC, NYTimes, Reuters