အရပ်သားဝန်ကြီးများကို အမှတ်ပေးခြင်း

စာရေးသူအနေနဲ့ ဒီမိုအစိုးရ လေးနှစ်တာကာလအတွင်း တပ်ခန့်ဝန်ကြီးများ၊ မိုးကျဝန်ကြီးများကိုအမှတ်ပေးခဲ့ပြီးပါပြီ။ ဒီနေ့ကတော့ အရပ်သားဝန်ကြီးတွေကို သုံးသပ်ပါမယ်။

ပထမရသွားသူကတော့ လူကယ်ပြန်ဝန်ကြီး ဦးဝင်းမြတ်အေးပါ။ သူဟာ မကွေးဆေးပါချုပ်အပြီးNLD ပါတီထဲကနေ ဝင်အရွေးခံခဲ့သူပါ။ သူက လူကယ်ပြန်ဝန်ကြီးအနေနဲ့ လုပ်ခဲ့ပါတယ်။ ဒီဝန်ကြီးဌာနဟာ မြန်မာပြည်မှာ ဘာမှအရေးမပါလို့ အများစုက ထင်ထားခဲ့ပါတယ်။ တပ်ကပြောင်းသူများထဲမှာလဲအကပ်မရှိတဲ့ မိုးကျတွေသာရောက်ပါတယ်။ ဆရာဝင်းမြတ်အေးဟာ ရေကြီးရင်လဲရောက်၊ မြေပြိုရင်လဲရောက်နဲ့ သဘာဝဘေးအန္တရာယ်ပေါ်တိုင်း နေရာအနှံ့ကို ရောက်အောင်သွားနိုင်ခဲ့ပါတယ်။ သူကနေအစိုးရဆိုတာ တိုင်းသူပြည်သားတွေကို ရင်ဝယ်သားကဲ့သို့ ကူညီသူဆိုတဲ့ သတင်းစကားကို ပါးခဲ့ပါတယ်။ ရခိုင်ပြည်မှာ မီးခိုးထွက်နေချိန် ရတဲ့အရပ်ဖက်ရဟတ်ယဉ်သုံးပြီး ဘင်္ဂါလီအရေးမှာ ဒေသခံရခိုင်လူမျိုးတွေကို ကယ်တင်ခဲ့ပါတယ်။ ဒါတင်မဟုတ်ဘဲ တိုက်ပွဲဖြစ်နေတဲ့နေရာကို သေနတ်အပစ်ခံရတဲ့ကြားက အသက်ကို ပဓာနမထားဘဲ ရောက်အောက်သွားခဲ့သူပါ။ အနောက်နိုင်ငံတွေမှာလဲ ရခိုင်အရေးအတွက် အဓိကဖြေရှင်းပေးနေသူ DASSK က အားကိုးရသူပါ။ သူ့လက်ထက်မှာ မြန်မာပြည်မှာမရှိတဲ့ လူမှုဖူလုံရေးအနေနဲ့ အသက်ကြီးသူတွေကိုလဲ ငွေကြေးထောက်ပံ့နိုင်ခဲ့ပါတယ်။ ဒါကြောင့် ဆရာ့ကို ၁၀/၁၀ အမှတ်ပြည့်ပေးပါတယ်။

ဒုတိယကတော့ ကျန်းမာရေးဝန်ကြီးဦးမြင့်ထွေးပါ။ သူဟာ DASSK ရဲ့ အစပိုင်းချီးကျူးတာခံရအပြီးထဲက ဖွတ်အကောင့်တုအချို့ရဲ့ တိုက်ခိုက်တာကို ခံခဲ့ရပါတယ်။ ဒါပေမယ့် သူ့ရဲ့ ကူးစက်ရောဂါအချို့တိုက်ဖျက်ရေးကို ကမ္ဘာက ချီးမွမ်းခဲ့ပါတယ်။ ဆရာရဲ့ အရည်အချင်းကတော့ ကိုဗစ်မှာ ပေါ်လာခဲ့ပါတယ်။ သူဟာ DASSK ကို တိုင်းပြည်ရဲ့ အရင်းအမြစ်နဲ့ ကိုက်ညီတဲ့ ကျန်းမာရေးမူဝါဒ ချမှတ်နိုင်အောင် ကူညီနိုင်ခဲ့ပါတယ်။ ဆရာကတော့ ၉/၁၀။

တတိယဝန်ကြီးကတော့ လျှပ်စစ်ဝန်ကြီး ဦးဝင်းခိုင်ပါ။ သူဟာဆောက်လုပ်ရေးနဲ့ အခြားဝန်ကြီးဌာနတွေမှာလုပ်ခဲ့ပြီး DASSK က နောက်ဆုံးလျှပ်စစ်ကိုပါ ကိုင်ခိုင်းခဲ့တာပါ။ လူအချို့က မီးမလာတာနဲ့မီတာခပြဿနာကြောင့် သူ့ကို အပြစ်ပြောနိုင်ပေမယ့် သူကတော့ ဦးပိုင်က အကွက်ဆင်တိုင်တာတောင်ဦးပိုင်မီတာကို အဂတိနဲ့ မရွေးဘဲ စိန်ခေါ်ပြီး အမှန်အတိုင်းရွေးခဲ့သူပါ။ သူက အဂတိကိုစိန်ခေါ်ပြီး သူ့ရဲ့ရိုးသားမှုကို ပြခဲ့ပါတယ်။ အဂတိကတဆင့် ဦးပိုင်ကကိုင်ဖို့ကြိုးစားတာ ကိုင်မရခဲ့သူပါ။ ဒါနဲ့တင်သူ့ကို ၈.၅/၁၀ ပေးပါတယ်။ သူ့လက်ထက်မှာ တိုင်းပြည်လိုအပ်ချက်အရ မီတာခတိုးခဲ့ပေမယ့် ဒါဟာနောက်ပိုင်း တိုင်းပြည်ဖွံ့ဖြိုးမှုကို အထောက်အကူဖြစ်မှာပါ။

လူတွေသတိထားမိတဲ့ ခြေမပေါ်တာက ပြန်ဝန်နဲ့ စိုက်ပျိုးရေးဝန်ကြီးပါ။ ဆရာဖေမြင့်က ပြည်ပသတင်းဌာနလဲမပေါက်သလို ပြည်တွင်းမှာလဲ မိုးကျတွေကို နိုင်ပုံမရပါ။ ဆရာဖေမြင့်က ၄/၁၀ ပါ။ဆရာဖေမြင့်ကပြန်ဝန်မိုလို့ သူကတိုင်းပြည်စီးပွါးရေးတော့ မထိခိုက်ပါ။

နောက်ခြေမပေါ်သူက လယ်ဆည်ဝန်ကြီး ဒေါက်တာအောင်သူပါ။ NLD က ကြိုက်လို့ရွေးခဲ့ပေမယ့် သူဟာ လယ်ယာကဏ္ဍကို အကြီးအကျယ်မပြောင်းလဲနိုင်ခဲ့ပါ။ ဟိုထုတ်လိုက်တဲ့ ဒုဝန်ကြီးက သူ့ထက်အများကြီးတော်ပါတယ်။ သူနဲ့သူ့မိုးကျများဟာ အသံတိတ်နေပေမယ့် စက်မှုလယ်ယာဖြစ်ဖို့က စစ်အစိုးရလက်ထက်တဲ့သာပေမယ့် ထိုင်းမှီဖို့ အများကြီး လိုနေပါသေးတယ်။ သူကလဲ ၄/၁၀ ပါ။ ဒီလယ်ယာကဏ္ဍဟာ ကိုဗစ်အလွန်မှာ တိုင်းပြည်ရဲ့စီးပွါးရေးကို ဖြေရှင်းဖို့ အဓိကကျပါမယ်။ ဒီအထွက်သူ့မှာ အဖြေရှိပုံမရပါ။

အခြားလူများကိုတော့ မရေးတော့ပါ။ တော်သူများကို ဆက်ထားပြီး မတော်သူများကို လူလဲကစားနိုင်ပါစေ။