ဦးမြတ်သို့!!!

မှတ်မှတ်ထင်ထင်

စာကဗျာယှဥ်ကာ

မေတ္တာရေလောင်း

ပြည့်စေကြောင်းဖြင့်

နှစ်သစ်အတွက်

အားခွန် တက်

ဆက်ကာ လျောက်၍

ပေါက်စေသော်။

**ဒေါင်းမိခင်၏ စကားသုံးခွန်း**

နားဆို့ နှုတ်ပိတ်၊မျက်စိ မှိတ်သည်

အဟိတ် မပြား၊ အယုတ်တရားကို

မေ့သား မျက်ပျံ၊ တိုက်ဖျက်နှံ၍

ဒေါင်းလံ လွှင့်နိုင်ပါစေသော်။ ။

ကြီးနိုင် ငယ်ညှဥ်း၊ကိုယ်စိတ် ကျဥ်းအောင်

ငြိုးဖျဥ်း မုန်းထား၊ ယုတ်တရားကို

မေ့သား သက်နှံ၊ တိုက်ဖျက်နွံ၍

ဒေါင်းသံ ရင့်နိုင်ပါစေသော်။ ။

မျက်နှာ ရွေးချယ် ၊ ကြီးနှင့် ငယ်ဟု

လူငယ်ခွဲ​ြခြား ၊ ယုတ်တရားကို

မေ့သား ညက်စံ၊ တိုက်ဖျက်နွံ၍

ဒေါင်းပျံ ဝင့်နိုင်ပါစေသော်။

မင်းသုဝဏ်

၁၉၅၆