စာရေးသူက NLD အစိုးရလုပ်တာကို ကာကွယ်ပြောရင်၊ ၂၀၁၉ စက်တင်ဘာလထဲက NLD ကအပြတ်အသတ်နိုင်မယ်လို့ အင်တာနက်စာမျက်နှာပေါ်တက်ရေးရင် ကွီးဖြိုးကိုကာကွယ်ရင် ဖွတ်များ၊အဘတများ၊ ဆရာကြီးများ၊ အချို့ NLD အမတ်များကိုယ်တိုင်က နီပေါလို့ခေါ်တာ နီပိန်းလို့ခေါ်တာတွေ့ရပါတယ်။ စာရေးသူက ကွန်မန့်ကို ကိုယ်တိုင်မဖတ်နိုင်ပေမယ့် အခြားသူများက လာပြရင်တော့သိပါတယ်။ ယခုပြောတဲ့အတိုင်း နိုင်ခဲ့ပါတယ်။ အဆိုပါနီပိန်းခေါ်သူများက စာရေးသူ အင်္ဂလိပ်လိုရေးရင်တော့ ဖတ် မဖတ်၊ ဖတ် တတ် မတတ် မသိပါ။ သူတို့ဖတ်ရင် ပိန်း မပိန်းသိပါလိမ့်မယ်။ ပြည်တွင်းကသတင်းဟာ ထောက်လှမ်ရေးအချက်ကို အခြေခံရေးတာပါ။ ယခုရေးတာကလဲ အရှိတရားကိုသာရေးပြမှာပါ။

၂၀၂၁ မှာ တိုင်းပြည်အတွက် ဖယ်ဒရယ်တည်ဆောက်ဖို့၊ တပ်ချုပ်အသစ်ပြောင်းဖို့၊ ခြေဥပြင်ဖို့ဆိုတဲ့၂၀၁၅ က စိန်ခေါ်မှုတွေက ထပ်ပါလာမှာပါ။ ဒါက ပုံမှန်စိန်ခေါ်မှုတွေပါ။

၂၀၂၁ မှာက ကိုဗစ်ကြောင့် စီးပွါးရေးအရ ကျဆင်းတာကို ကုစားဖို့အတွက် အစီအမံတွေလိုလာပါမယ်။ နိုင်ငံခြားက ရင်းနှီးမြုပ်နှံမှုတွေ လိုပါမယ်။ ဒီနေရာမှာ အမြင်ကျဉ်းသူများ၊ ခရိုနီနဲ့ ပေါင်းချမ်းသာခဲ့သူများက ကန်ထရိုက်တိုက်တွေ ရန်ကုန်မှာ ပိုပေးဆောက်လိုက်ရင် စီးပွါးရေး ပြန်အဆင်ပြေမယ်လို့ ထင်နေကြမှာပါ။ ဒါပေမယ့် ပြဿနာက ယခုထက်ပိုကြီးပါတယ်။

မြန်မာပြည်အနေနဲ့ တရုတ်နိုင်ငံက ရင်းနှီးမြုပ်နှံတာကို မလိုချင်ရင် ဂျပန်၊ တောင်ကိုရီးယား၊ အနောက်ဥရောပနဲ့ အမေရိကန်ကို မှီခိုရပါမယ်။ ဂျပန်နဲ့ တောင်ကိုရီးယားဟာ အမေရိကန်ရဲ့ တပည့်ပါ။ ဒါကြောင့် ဘိုင်ဒန်ရဲ့ နိုင်ငံခြားရေးမူဝါဒဟာ အရေးပါလာပါမယ်။ လောလောဆယ်မှာ ဥရောပသမဂ္ဂက မြန်မာအတွက် အထည်ချုပ်ကို နှစ်စဉ်သက်တမ်းတိုးသဘောမျိုး သွားနေတာပါ။ ဥရောပဟာ ဘင်္ဂါလီအရေးနဲ့ မြန်မာကို ဖိအားပေးရအောင် အမြဲကြိုးစားနေတာပါ။ ပြင်သစ်နဲ့ အင်္ဂလန်ဟာ သူ့တိုင်းပြည်ထဲမှာအကြမ်းဖက်မှုတွေနဲ့ ပြဿနာပေါ်နေပေမယ့် မြန်မာပြည်ကိစ္စမှာတော့ လူ့အခွင့်အရေးရှုထောင့်ကကြည့်ပါတယ်။ ဒီနှစ်မှာ ကိုဗစ်ခံသွားလို့ သူတို့မလုပ်နိုင်ခဲ့တာပါ။ မြန်မာပြည်ကို နိုင်ငံခြားရင်းနှီးမြုပ်နှံမှုဟာ အများကြီး သူဌေးဖြစ်လောက်အောင် မလာတာကလဲ ထိုကိစ္စကြောင့်ပါဘဲ။ ယခင်က ထရမ့်ခံနေလို့ပါ။

ပုံမှန်မှာက အနောက်က ကျပ်ရင် တရုတ်နိုင်ငံက ခံနေပေမယ့် ယခုအတောအတွင်းမှာ တရုတ်နိုင်ငံဆန့်ကျင်ရေးကို စနစ်တကျ ဝါဒဖြန့်ထားလို့ အစိုးရအနေနဲ့ တရုတ်နိုင်ငံနဲ့ ပူးပေါင်းဆောင်ရွက်ဖို့ဟာ ခက်သွားနိုင်ပါတယ်။

နောက် ICJ က ဆုံးဖြတ်ချက်တစ်ခုထွက်ပြီး စာရေးသူတို့နိုင်ငံက မကြိုက်တာကို ဆုံးဖြတ်ခဲ့ရင် ဥရောပက အဲ့ဒါအပေါ်မူတည်ပြီး ကျပ်တာ ပိတ်ဆို့တာတွေကို လုပ်လာနိုင်ပါတယ်။ အင်္ဂလိပ်ဟာ ဇင်ဘာဘွေက လွတ်လပ်ရေးဖခင်ကြီး မူဂါဘီကိုတောင် သူ့မြေတွေကို ပြန်သိမ်းလို့ သူ့တိုင်းပြည်မှာ အာဏာရှင်ပြန်ဖြစ်အောင် စီးပွါးရေးပိတ်ဆို့ပြီး ဘီဘီစီက ဝါဒဖြန့်လုပ်သွားခဲ့တာပါ။ ဥရောပဟာ ရင်းနှီးမြုပ်နှံမှုကမ္ဘာလှည့်ခရီးသွားလုပ်ငန်းနဲ့ ပို့ကုန်တွေအတွက် အရေးပါလို့ ဥရောပက လုပ်သမျှဟာ မြန်မာအတွက်သတိထားရမှာပါ။

ဒီကိစ္စတွေဟာ တိုင်းပြည်သာငြိမ်းချမ်းပြီး စည်းလုံးနေရင်တော့ မှုစရာမလိုပါ။ အဆိုးဆုံးအခြေအနေမှာတောင် အိန္ဒိယ-အာဆီယံ ကုန်စည်စီးဆင်းမှု၊ တရုတ်နိုင်ငံကို ပင်လယ်ထွက်ပေါက်ပေးထားတာတွေကနေ ဝင်ငွေရနိုင်ပါတယ်။

အဓိက စိန်ခေါ်မှုက ပြည်တွင်းမှာပါ။ မြန်မာပြည်ရဲ့ ဌာနတိုင်းက မိုးကျတွေနဲ့ ဘာမှမလုပ်တတ်ဘဲနေရာရထားတဲ့ အဘအမျိုးဝန်ထမ်းအချို့ကို ဘယ်လိုကိုင်တွယ်မလဲဆိုတာက အဓိက စိန်ခေါ်မှုပါ။

နောက်ရဲတပ်ဖွဲ့၊ ရှေ့နေချုပ်ရုံးနဲ့ ထွေအုပ်တွေဟာ တရားဥပဒေစိုးမိုးမှုအတွက် အရေးပါပြီး အဆိုပါဌာနတွေမှာ မိုးကျလျော့ချရေးကို စနစ်တကျ ထင်သာမြင်သာအောင် လုပ်ပြရမှာပါ။ ဥပမာရှေ့နေချုပ်ကို ဦးသိန်းသန်းဦးလို ဦးကြီးမြင့်လိုလူကို ခန့်ပြလိုက်ပြီး ရဲချုပ်ကို ရဲစစ်စစ်၊ ထွေအုပ်ဝန်ကြီးကို ဒေါက်တာတင်မျိုးဝင်း/ဆရာဇော်/ဆရာအောင်မိုးညိုလို နိုင်ငံရေးသမားကို ခန့်လိုက်ရင်ပြည်သူတွေကလဲ ဒီအစိုးရဟာ တကယ်ကိုင်မယ်ဆိုတာ ယုံလာမှာဖြစ်သလို နိုင်ငံတကာကလဲ တရားဥပဒေစိုးမိုးရေး နီးလာပြီဆိုတာ လက်ခံလာနိုင်ပါတယ်။